வேற்றுமை

பெயர்ச்சொல்லுடன் சேர்ந்து அச்சொல்லின் பொருளை வேறுபடுத்திக் காட்டுவது இலக்கணத்தில் வேற்றுமை எனப்பெறுகிறது என்பதை முன்பே பார்த்தோம் அல்லவா?      இவ்வேற்றுமைகள் தமிழில் எட்டு வகைபெறும். அவை, முதல் வேற்றுமை (எழுவாய் அல்லது பெயர் வேற்றுமை), இரண்டாம் வேற்றுமை, மூன்றாம் வேற்றுமை, நான்காம் வேற்றுமை, ஐந்தாம் வேற்றுமை, ஆறாம் வேற்றுமை, ஏழாம்  வேற்றுமை, எட்டாம் வேற்றுமை (விளி வேற்றுமை : விளி=அழைத்தல்) என்பனவாகும்.      இங்கே பெயர்ச்சொல்லின் பொருளை     வேறுபடுத்திக் காட்டுவதற்குப் பெயர்ச்சொல்லின்     இறுதியில் வரும் உருபுகள் (எழுத்துகள்) வேற்றுமை உருபுகள் எனப்பெறும்.      முதல் வேற்றுமைக்கும், எட்டாம் வேற்றுமைக்கும் வேற்றுமை உருபுகள் இல்லை. இரண்டாம் வேற்றுமைக்கு உருபு ஐ. மூன்றாம் வேற்றுமைக்கு உருபு ஆல். நான்காம் வேற்றுமைக்கு உருபு கு. ஐந்தாம் வேற்றுமைக்கு உருபு இன். ஆறாம் வேற்றுமைக்கு உருபு அது. ஏழாம் வேற்றுமைக்கு உருபு கண்.      இவை குறித்து விளக்கமாக, மேல்நிலைப் பாடங்களில் பயில்வீர்கள்.